Քրդերի զինավարժություններ Հայաստանո՞ւմ

«Ազատ կյանք Քրդստանում» կուսակցության ներկայացուցիչները զինավարժություններ են անցկացնում Հայաստանում. այս մասին տեղեկացնում է իրանական tehrantimes.com կայքը:

«PJAK ահաբեկչական խումբն Արևմտյան Ադրբեջանի հարավում պարտություն կրելուց հետո շարժվել է նահանգի հյուսիսային մասեր»,- ասել է Իրանի բանակի գնդապետ Ազիզ Հասան Աքդամը:

Գնդապետի խոսքով՝ նահանգի հյուսիսում անվտանգությունն ուժեղացվել է, և Մակուի սահմանապահները կարող են դիմագրավել յուրաքանչյուր գրոհ: Իսկ այն վայրերում, որտեղ սահմանապահներ չկան, տեսախցիկներ են տեղադրվել։ Ըստ նրա` PJAK-ի որոշ անդամներ զինավարժություններ են անցկացնում նաև Հայաստանի որոշ շրջաններում։

Հարցի կապակցությամբ ՀՀ արտգործնախարարությունն արդեն դիմել է Իրանի իշխանություններին՝ լուրի իսկությունը ճշտելու համար, սակայն համոզված են, որ այն կհերքվի։