Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Երեկ ՀԱԿ-իշխանություն երկխոսության հերթական հանդիպման ժամանակ չի քննարկվել ՀԱԿ ակտիվիստներին ազատ արձակելու հարցը: Այս մասին այսօր լրագրողների հետ հանդիպման ժամանակ ասել է Հանրապետական կուսակցությունից իշխանական պատվիրակության անդամ Գագիկ Մինասյանը:
Սա բավական զարմանալի հայտարարություն է, քանի որ երկխոսության երեկվա հերթական «ռաունդից» հետո երկու պատվիրակությունների ղեկավարները համատեղ հայտարարություն են արել, ինչից ենթադրվում է, որ քննարկման թեման հենց ակտիվիստների ազատ արձակումն է եղել:
Այս հայտարարության վերաբերյալ ՀԱԿ պատվիրակության ղեկավար Լեւոն Զուրաբյանը «Ազատություն» ռադիոկայանի հետ զրույցում ասել է, թե Գ. Մինասյանի ասածն ապատեղեկատվություն է. «Մենք պայմանավորվել ենք քննարկման մասին առայժմ որեւէ մեկնաբանություն չանել: Ցավում եմ` եթե իսկապես այդ պայմանավորվածությունը խախտվել է, առավել եւս` եթե տրվել է նման ապատեղեկատվություն»:
Իր կուսակցի սենսացիոն եւ հակասական հայտարարության վերաբերյալ փորձեցինք մեկնաբանություն ստանալ հենց իշխանական պատվիրակության ղեկավար Դավիթ Հարությունյանից: Սակայն վերջինս հրաժարվեց որեւէ բան ասել. «Ես չեմ մեկնաբանում»: