Կրեմլը չի մեկնաբանում Էրդողանի՝ Արցախում հրադադարի ռեժիմի ջանքերն ընդլայնելու վերաբերյալ խոսքերը

Ռուսաստանի նախագահի մամուլի քարտուղար Դմիտրի Պեսկովն առանց մեկնաբանության է թողել Թուրքիայի նախագահ Ռեջեփ Թայիփ Էրդողանի հայտարարությունը, թե ինքը Ռուսաստանի նախագահ Վլադիմիր Պուտինի հետ քննարկել է տարածաշրջանի մյուս երկրների հետ Լեռնային Ղարաբաղում հրադադարի ռեժիմը պահպանելու ջանքերի ընդլայնման հնարավորությունը:

«Բացի երեկ երեկոյան մեր ասածից և դրանից դուրս, ես ձեզ ոչինչ չեմ կարող ասել»,- չորեքշաբթի լրագրողներին ասել է Պեսկովը:

Կրեմլի խոսնակը միայն հաստատել է, որ հեռախոսազրույցի ընթացքում քննարկվել է նախագահ Պուտինի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի միջև համաձայնագրերի կատարման ընթացքը: Ուշադրության կենտրոնում են եղել նաև «Համատեղ աշխատանքի դիտորդական կենտրոնի շրջանակներում համատեղ աշխատանքի ձևերը»: