Երեւանի գետնանցումների հարցը կլուծվի

Օրեր առաջ մեր լրագրողը շրջել էր Երեւանի մի քանի գետնանցումներով եւ լուսանկարել դրանցում տիրող սանիտարահիգիենիկ վիճակը: Համաքաղաղացիները խնդրանքով դիմել էին Երեւանի քաղաքապետին.«Բալե'ս, կգնաս ու քաղաքապետին կասես, որ գոնե մաքրեն ու լույս դնեն, մնացած հարցերը երեւի կամաց-կամաց կլուծվի»: Հոդվածը տեղադրել էինք Երեւանի քաղաքապետ Կարեն Կարապետյանի Facebook-յան էջում, որն անպատասխան չի մնացել:

«Նախապատրաստվում է համապատասխան փաթեթ՝ մրցութային կարգով գետնանցումները ներդրողներին տրամադրելու համար, որոնք տարածքները ըստ նպատակի շահագործելուց բացի, կստանձնեն նաև ընդհանուր օգտագործման տարածքները բարեկարգելու, լուսավորությո ւնը, սանիտարահիգիենիկ վիճակը ապահովելու և այլ պարտավորություններ»,-տեղեկացնում են Երեւանի քաղաքապետարանից:

Գետնանցումների մասին մեր պատրաստածն հոդվածն ամբողջությամբ կարող եք կարդալ այստեղ: