ՀԱՅԱՑՔ. Խաբում են

Պարզվում է, որ որոշ մարզպետարաններ իրենց մարզի գյուղատնտեսական ցուցանիշներն ուռճացնելու «բնավորություն» ունեն: Աշնանացանի կամ գարնանացանի վերաբերյալ գյուղապետների կողմից մարզպետարաններին ներկայացված տվյալները գրեթե մշտապես կրկնապատկվում կամ եռապատկվում են:

Օրինակ` մարզպետարանը գյուղապետներին հրահանգում է 100 հա աշնանացանը թղթերով 300 հա ներկայացնել: Գյուղերից մեկում էլ կատարած 50 հա աշնանացանը մարզպետի խնդրանք-պահանջով թղթի վրա դարձել է 250 հա:

Հավանաբար այս քայլերով մարզպետներն ուզում են երկրի ղեկավարությանը «չաղլիկ թվերով» ներկայանալ, որպեսզի իրենց աթոռներին ավելի երկար կառչած մնան:

Իսկ իրականությունը երկրի նախագահն ու վարչապետն այդպես էլ չեն իմանում: Միով բանիվ` Սերժ Սարգսյանի նախագահական սեղանին են դրվում կեղծ տվյալներ գյուղատնտեսական պաշարների եւ աշխատանքների վերաբերյալ: