Անհամեմատելի մեծություններն ու էժանագին շոուները

Չայկովսկու անվան միջազգային մրցույթի հաղթող Նարեկ Հախնազարյանը եւ աշխարհահռչակ ջութակահար, Ելիզավետա Երկրորդ թագուհու մրցույթի հաղթող Սերգեյ Խաչատրյանը համաշխարհային կատարողական արվեստի գագաթում հայտնված հայազգի այն երաժիշտներից է, որոնցով կարող է հպարտանալ աշխարհասփյուռ հայությունը. երաժիշտների հաղթանակների կապակցությամբ շնորհավորական խոսք ասելով` նշել է Եվրոպայի հայկական հիությունների հորումի /ԵՀՄՖ/ նախագահ Աշոտ Գրիգորյանը:

Ըստ նրա` հայ ստեղծագործ ազգը վերջին հարյուրամյակում աշխարհին տվել է մի շարք հանճարներ, որոնց անունները, սակայն, ավելի շատ հայտնի են եղել մեզ և ցավալիորեն հայտնի չեն դարձել այլոց համար:

«Պետք է հասկանալ, որ վերոհիշյալ մրցույթները և նրանց հաղթողներ անհամեմատելի մեծություններ են էժանագին ու ծիծաղելի շոուներ ներկայացնող այնպիսի մրցույթների կողքին, ինչպիսին ասենք «Եվրատեսիլն» է, որում տարած հաղթանակը գլխապտույտ է առաջացրել մեր հարևանի մոտ»,- ասում է Ա.Գրիգորյանը:

ԵՀՄՖ-ն դիմում է համաշխարհային հայկական բոլոր կազմակերպություններին առաջարկով` միավորենք մեր ուժերը` պրոպագանդելու համար համաշխարհային անուն հանած մեր երաժիշտներին` չխնայելով նրանց գովազդի վրա ոչինչ: