Ցորենն էժանացել է. մեզ ի՞նչ

Եվրոպական եւ ամերիկյան բորսաներում վերջին 2 օրերին նկատվում է ցորենի եւ եգիպտացորենի կտրուկ էժանացում:

Պատճառը ԱՄՆ գյուղատնտեսության նախարարության հաղորդագրությունն է այն մասին, որ հացահատիկայինների պաշարներն ու ամերիկյան ֆերմերների ցանքատարածություններն ավելացել են:

Այդ հաղորդագրությունից հետո գների անկում է արձանագրվել Չիկագոյի բորսայում, այնուհետեւ դրան հետեւել են եվրոպական բորսաները: Չիկագոյի բորսայում ցորենի 1 տոննան վաճառվել է 214, իսկ Փարիզում` 268 դոլարով: Տարեսկզբի համեմատ` ցորենի 1 տոննան էժանացել է գրեթե 100 դոլարով:

Ցորենն էժանացել է նաեւ Ռուսաստանում, իսկ Ուկրաինայում հուլիսի 1-ից հետո կանխատեսվում է ցորենի մոտ 30 տոկոս էժանացում: