Նոր մանկապարտեզ՝ Ղուզե Ճարտարում

Երեկ ԼՂՀ Մարտունու շրջանի Ղուզե Ճարտար գյուղում հանդիսավորությամբ բացվեց «Հայաստան» համահայկական հիմնադրամի Ֆրանսիայի տեղական մարմնի եւ ԼՂՀ կառավարության հովանավորությամբ կառուցված մանկապարտեզը:

Ինչպես տեղականում ենք հիմնադրամի կայքից, ծրագիրն իրականացվել է «Լուդենդո Գրուփ» ընկերության նախագահ Ժան-Միշել Գրինբերգի եւ «Բերենիկ եւ Եվրելիա» ընկերության նախագահ Միշել Փազումյանի նվիրատվություններով` ի հիշատակ հիմնադրամի բարերար Էմանուել դե Լաբարի, ով կյանքի վերջին տարիների ընթացքում ակտիվորեն ներգրավված է եղել հիմնադրամի արցախյան ծրագրերում:

Մինչ նոր շենքի կառուցումը ընդամենը 40 երեխա էր հաճախում մանկապարտեզ, որը գործում էր դպրոցի` դեռեւս 1930-ականներին կառուցված շենքում եւ զբաղեցնում էր երկու դասասենյակ: Այժմ մանկապարտեզ կարող է հաճախել 80 երեխա: