Թուրքական իշխանություններն ընդդեմ Anonymous-ի

Թուրքական իշխանությունները ձերբակալել են հանրահայտ Anonymous հաքերային խմբի 32 անդամի, որոնցից 9-ին, որպես անչափահաս, մի քանի ժամից ազատ են արձակել. տեղեկացնում են թուրքական լրատվամիջոցները:

Ձերբակալություններն իրականացվել են այն բանից հետո, երբ Anonymous-ը, ի նշան ինտերնետային գրաքննության դեմ բողոքի, կոտրել է կառավարական կայքերը:

Ավելի վաղ խմբի հաքերները հայտնի էին դարձել սայենտոլոգների եկեղեցու եւ Wikileaks-ի դեմ «թշնամաբար» տրամադրված կայքերի դեմ հարձակումներով:

Անցյալ շաբաթ Anonymous-ը կոտրել էր թուրքական վարչակազմի հետահաղորդակցությունների կայքերը: Վարչակազմը արգելափակում է սեքսուալ բնույթի հազարավոր կայքեր, նաեւ Աթաթուրքի մասին որեւէ «անհարգալից» տեղեկատվություն տեղադրած կայքերը, օրինակ` նոյեմբերին արգելափակել էր մուտքը Youtube: