ԺՈՂՈՎՈՒՐԴ. Գործին ընթացք չտրվեց...

Մեր տեղեկություններով` նախօրեին Վճռաբեկ դատարանում արտառոց դեպք է տեղի ունեցել, որին ընթացք չի տրվել: Մասնավորապես, դատարանի գրասենյակի երկու կին աշխատակցուհիներ իրար հետ այնպես են վիճել, որ բանը հասել է միմյանց կոկորդի մկրատ դեմ տալուն: Միջադեպին, որը, ըստ մեր աղբյուրների, կանխվել է դատական կարգադրիչներից մեկի միջոցով, ընթացք չի տրվել, այսինքն` կանայք շարունակում են աշխատել:

Երեկ եւս մեզ չհաջողվեց մեկնաբանություններ ստանալ դատական դեպարտամենտի ղեկավար Միսակ Մարտիրոսյանից, քանի որ նա չի պատասխանում մեր զանգերին: Ինչ վերաբերում է նրա խորհրդականին, ապա այս լուրի հետ կապված որեւէ մեկնաբանություն չտվեց` ասելով, թե տեղյակ չէ, լիազորված չէ: