Լիբիան հրաժարել է OPEC-ում դավաճան ներկայացուցչից

Լիբիայի կառավարությունը հայտարարել է, որ մտադիր է նոր ներկայացուցիչ ուղարկել OPEC-ի հաջորդ նիստին: Նա կփոխարինի նավթի նախարարության բարձրաստիճան պաշտոնյային, որը հայտարարել էր, թե կորցրել է հավատը Քադաֆիի վարչակազմի նկատմամբ:

Շոքրի Գանեմը, որը համակարգում էր երկրի նավթա-գազային բնագավառը, երկրորդ բարձրաստիճան պաշտոնյան է, որը դավաճանել է Քադաֆիին:

Ապստամբների կարծիքով` Գանեմի փախուստն ազդարարում է, որ գնդապետի վերջը եկել է, սակայն լիբիական կառավարության ներկայացուցիչը հայտարարել է, որ պաշտոնյայի արարքը չի կարող որեւէ ազդեցություն ունենալ OPEC-ում. «Խոսքը երկրի, պետության, կառավարության մասին է, այլ ոչ թե մեկ մարդու»,- ըստ mignews.com-ի` ասել  է նա: