Բաղապշի հոգեհանգստին լրագրողներ են ձերբակալվել

Վրացական Կովկասյան առաջին տեղեկատվական հեռուստաընկերության թղթակիցները Մոսկվայում տուգանվել են` առանց հավատարմագրվելու աշխատելու համար:

Ինչպես հաղորդում է «Նովոստի» գործակալությունը, թղթակիցներ Ալեքսեյ Մատվեեւը եւ Նաթիա Փոլադաշվիլին ձերբակալվել են երկուշաբթի օրը` Սուվորովի հրապարակի մոտ գտնվող համար 2 տանը, որտեղ Աբխազիայի նախագահ Սերգեյ Բաղապշի հոգեհանգստի արարողությունն էր անցկացվում:

Լրագրողները փորձել են նկարահանումներ անել եւ հարցազրույցներ վերցնել հոգեհանգստին ներկա քաղաքացիներից, սակայն Ռուսաստանի տարածքում աշխատելու թույլտվություն չեն ունեցել:

Պարզվել է նաեւ, որ Փոլադաշվիլին ապրում է Ադրբեջանում եւ Մոսկվայում գտնվելիս է եղել առանց գրանցման: