168 ԺԱՄ. Քիչ էլ սպասեք

2008-ի հետընտրական իրադարձությունների առնչությամբ ազատազրկված ընդդիմադիր գործիչները մինչեւ մայիսի 31-ը կարող են ազատ արձակվել: Երեկ նման հայտարարություն է արել ԱԺ նախագահ Հովիկ Աբրահամյանը` խորհրդարանում Եվրախորհրդարանի նախագահ Եժի Բուզեկի հետ համատեղ մամուլի ասուլիսից հետո: Հ. Աբրահամյանը հնարավոր է համարել, որ առաջիկայում կարող է համաներում հայտարարվել:

«Բայց դա իմ անձնական կարծիքն է,- բոլոր դեպքերում իրեն ապահովագրել է Հ. Աբրահամայնը` ավելացնելով:- Քննարկվում է նախագահականում... Թե ինչ շրջանակ կլինի, ցանկը ովքեր կլինեն` չգիտեմ: Իմ կարծիքով` համաներում էլ կլինի երեւի, որը ԱԺ պետք է գա: Չշտապենք: Մեկ շաբաթից հայտնի կլինի: Կարեւորը` որ դրական լուծում կունենա»: