Հերքել է

«Ժամանակ» օրաթերթի տեղեկություններով` Հատուկ քննչական ծառայությանը հանձնարարված է Մարտի 1-ի գործով բոլոր հարցաքննությունների համար անկաշկանդ մթնոլորտ ստեղծել եւ մարդկանց հնարավորություն տալ հանգիստ պայմաններում պատմել երեք տարի առաջ տեղի ունեցածի մասին:

«Ըստ մեր աղբյուրների` քննչական խմբի ղեկավար Վահագն Հարությունյանը վերջերս անկեղծացել է, որ նախագահականից հանձնարարական է ստացել` որեւէ ձեւով չխոչընդոտել առաջիկայում բարձրաստիճան պաշտոնյաների կողմից Ռոբերտ Քոչարյանի դեմ ցուցմունքներ տալուն»,- գրում է թերթը:

«Երկիր»-ի` վերոնշյալ հրապարակման իսկությունը ճշտող հարցին ի պատասխան` Վահագն Հարությունյանը նախ մի կուշտ ծիծաղեց, ապա ասաց, թե «պետք է բառարանում փնտրել ու գրել «հերյուրանք» բառի բոլոր հոմանիշները»: Քննչական խմբի ղեկավարը հավելեց, որ առաջիկայում մամուլի ասուլիս կկազմակերպի: