Վետերաններն ավելի արժանապատիվ կյանքի են արժանի (ֆոտոռեպորտաժ

Այսօր «Հաղթանակ» զբոսայգում ԱԺ նախագահ Հովիկ Աբրահամյանը շնորհավորեց վետերաններին` ընդգծելով, որ նրանք ավելի արժանապատիվ կյանքի են արժանի:

«Ավելի հոգատար պետք է լինենք նրանց հանդեպ, նրանց սոցիալական խնդիրները պիտի լինեն իշխանությունների ուշադրության կենտրոնում, բայց նաեւ պիտի հասկանանք, որ մեր հնարավորությունները, ֆինանսական ռեսուրսները չեն բավարարում, որպեսզի բոլոր խնդիրները հավուր պատշաճի լուծենք»,- ասաց ԱԺ նախագահը:

Հովիկ Աբրահամյանը մաղթեց նաեւ, որ հայ ժողովուրդն ավելի միասնական, հանդուրժող եւ համերաշխ լինի, իշխանությունն էլ հույսը միայն սեփական ուժերի վրա դնի:  «Ինքներս մեր վրա դնենք մեր հույսը` մեր տնտեսության, մեր բանակի, մեր ժողովրդի միասնության վրա, որովհետեւ կյանքը ցույց է տալիս, որ ցանկացած ռազմավարական բարեկամ երկիր իր պետության շահը չի փոխելու իր բարեկամ պետության շահի հետ»,- ասաց նա` ժողովրդին խաղաղություն մաղթելով:

«Հաղթանակ» զբոսայգում տեղի ունեցած միջոցառումների լուսանկարները` այստեղ: