Թմրաբիզնեսի սուրբ հովանավորը

Մեքսիկացի նարկոբարոններն այնքան ազդեցիկ են, որ նույնիսկ իրենց երկնային հովանավորն ունեն` Սբ Մալվերդեն:

Ամեն տարի մայիսի 3-ին Սինալոա հյուսիսարեւմտյան նահանգի բնակիչները հավաքվում են իրենց սիրելի «լավ ավազակի» օրը տոնելու: Սեւ ու հաստ ունքերով, փողկապով, ատրճանակին կողքին Սան Մալվերդեն ավելի շատ նման է արեւմտյան ֆիլմերի հերոսի, քան սրբի:

Թեեւ կաթոլիկ եկեղեցին նրան չի ընդունում, սակայն դա չի կանգնեցնում նրա երկրպագուներին. նրանք տաճարներ ու ժամատներ են կառուցում իրենց սիրելի Սան Մալվերդեի պատվին: Ընդ որում` բոլորը կառուցված են թմրանյութերի անօրինական տեղափոխման ճանապարհին` ամերիկա-մեքսիկական սահմանի երկայնքով:

Սան Մալվերդեի տոնակատարարությունը սկսվում է երթով, ապա շարունակվում պարահանդեսով, որի ընթացքում նաեւ հնչում են «լավ ավազակին» նվիրված երգեր:

Նոր սերունդն էլ Մալվերդեի բրենդը մոդայիկ է դարձրել` դաջվածքներ, ոսկերչական իրեր, նրա պատկերով հագուստներ: