Բուշը մերժել է Օբամայի հրավերը

Վաղը ԱՄՆ նախագահ Բարաք Օբաման այցելելու է Նյու Յորք և 2001թ. սեպտեմբերի 11-ի ահաբեկչության զոհերի հարազատների հետ ներկա է գտնվելու Ground Zero-ում նախատեսված հիշատակի արարողությանը: Այս միջոցառումը ծրագրվել է այն բանից հետո, երբ հայտնի է դարձել հիշյալ ահաբեկչության հիմնական կազմակերպչի` Ուսամա բեն Լադենի սպանության մասին. տեղեկացնում է NBC հեռուստաալիքը:

Միջոցառմանը մասնակցելու հրավեր է ուղարկվել նաեւ նախկին նախագահ Ջորջ Բուշ Կրտսերին, որը, սակայն, մերժել է այն: Բուշը հայտնել է, որ պատրաստվում է ահաբեկչության վայր այցելել 2011 թ. սեպտեմբերի 11-ին, երբ նշվելու է ողբերգության 10-րդ տարելիցը, նաեւ հավելել է, որ պաշտոնավարության ավարտից հետո նախընտրում է հասարակական վայրերում քիչ լինել:

Օբաման մինչ օրս միայն մեկ անգամ է այցելել Ground Zero` 2008 թ. նախագահական քարոզարշավի ընթացքում: