Հայը` հային

Այսօր Մոսկվայի քրեական հետախուզության աշխատակիցները հատուկ գործողության արդյունքում ազատել են օրեր առաջ առեւանգված երկու հայի. տեղեկացնում են ռուսաստանյան լրատվամիջոցները:

Քրեական հետախուզության տարածած տեղեկատվության համաձայն` երկու օր առաջ իրավապահներին էր դիմել Մոսկվայում բնակվող 30-ամյա Հայաստանի մի քաղաքացի: Նա տեղեկացրել էր, որ իր 28-ամյա կնոջն ու աղջկան առեւանգել են ու 300 հազար ռուբլի փրկագին են պահանջում:

Կարճ ժամանակ անց իրավապահներին հաջողվել է ճշտել դրամաշորթների գտնվելու վայրը. նրանք առեւանգվածներին պահել են Մերձմոսկովյան Վորոնովո գյուղի տներից մեկում:

Հանցագործները ձերբակալված են: Նրանք նույնպես հայաստանցիներ են` 55-ամյա տղամարդ եւ նրա երկու որդիները: Դեպքի առթիվ հարուցվել է քրեական գործ: