Հային վայել լռություն

Դեկտեմբերի 15-ին լրանում է ՀՀ ժողովրդական նկարչուհի, քանդակագործ-խեցեգործ Հռիփսիմե Սիմոնյանի 95-րդ տարելիցը:

Հռիփսիմե Սիմոնյանը ծնվել է 1916 թ., Կարսում: Սովորել է Վրաստանի գեղարվեստի ակադեմիայում, իսկ 1943թ. մասնակցել է հանրապետական, միութենական եւ միջազգային ցուցահանդեսների` արժանանալով բազմաթիվ շքանշանների եւ դիպլոմների:

Հռիփսիմեն խեցեգործություն է դասավանդել Երեւանի պետական գեղարվեստաթատերական ինստիտուտում եւ ստացել պրոֆեսորի կոչում: Հռիփսիմե Սիմոնյանին է պատկանում Հայաստանում պրոֆեսիոնալ խեցեգործության վերածննդի նախաձեռնությունը:

2009թ. դեկտեմբերի 9-ին Երեւանի «Սիրահարների այգում» տեղադրվեց Հռիփսիմե Սիմոնյանի «Արմենուհի» խեցեգործ քանդակը:

Հռիփսիմե Սիմոնյանը մահացել է 1998թ.:

Տեղին է հիշատակել Հայաստանի Հանրային ռադիոյի էստրադային սիմֆոնիկ նվագախմբի գեղարվեստական ղեկավար Երվանդ Երզնկյանի կարծիքը մեծանուն Օհան Դուրյանի մահվան առթիվ. «Եթե, ասենք, գերմանացի լիներ Դուրյանը, ամբողջ աշխարհը հիմա կսգար մեծ մաեստրոյի մահը»: Եթե, ասենք, գերմանացի լիներ Հռիփսիմե Սիմոնյանը, ամբողջ աշխարհը կնշեր մեր երկրին մեծ ավանդ թողած նկարչի ծննդյան տարելիցը: