Ադրբեջանական նախանձ

«Վրաստանի ադրբեջանական երիտասարդություն» կազմակերպության նախագահ Արազ Էյվազովը բաց նամակ է ուղարկել Վրաստանի վարչապետ Նիկա Գիլաուրիին, որում պահանջում է ադրբեջանցիներին բարձր պաշտոնների նշանակել Վրաստանում:

Երիտասարդն իր պահանջը հիմնավորում է այն հանգամանքով, որ Վրաստանի 600 հազարանոց ադրբեջանական համայնքը ակտիվ դերակատարություն ունի երկրի հասարակական-քաղաքական կյանքում:

Նրանք սատարում են Սաակաշվիլիի թիմին եւ մշտապես հանդես են եկել պետության կայունության օգտին: Նամակում նշվում է նաեւ այն մասին, որ Վրաստանի կառավարությունում փոխնախարարների կարգավիճակով կան երկու հայեր, փոխարտգործնախարար Ալեքսանդր Նալբանդովը եւ ֆինանսների փոխնախարար Գրիգորի Բայբուրթը, մինչդեռ չկա ոչ մի ադրբեջանցի: