Հայ-ադրբեջանական սահմանի միջդիրքային տարածքում հայտնաբերված զինվորի մարմինը փոխանցվել է ադրբեջանական կողմին

Հայ-ադրբեջանական սահմանի միջդիրքային տարածքում հայտնաբերված զինվոր Բահրուզ Ջալիլբեյլիի մարմինն այսօր փոխանցվել է ադրբեջանական կողմին. հայտնում է Интерфакс-Азербайджан-ը` Անհայտ կորած, գերի վերցված զինվորականների հարցերով զբաղվող պետական հանձնաժողովին հղումով: Փոխանցումը տեղի է ունեցել Կարմիր Խաչի ներկայացուցիչների մասնակցությամբ:

Հիշեցնենք, որ նոյեմբերի 23-ի առավոտյան ՀՀ պետական սահմանի հարավարևմտյան հատվածում տեղակայված մարտական դիրքերից մեկի դիմաց` միջդիրքային տարածքում, ՀՀ զինված ուժերի զինծառայողները հայտնաբերել են ադրբեջանական զինված ուժերի զինծառայողի դիակ: Ըստ ստացված օպերատիվ-հետախուզական տվյալների` վերոնշյալ զինծառայողը Ադրբեջանի զինված ուժերի կապիտան, վաշտի հրամանատար էր, ով զորամասում տեղի ունեցած հանցագործությունից հետո դիմել էր փախուստի:

Ըստ ադրբեջանական կողմի` նա շարքային զինծառայող էր, ով բանակում հանցագործությունից հետո լքել էր զորամասը: