ԼՂ ենթահանձնաժողովի նիստ չի եղել

Ապրիլի 11-15-ը Ստրասբուրգում անցկացված ԵԽԽՎ գարնանային նստաշրջանի ընթացքում ԼՂ հարցով ենթահանձնաժողովը նիստեր չի գումարել:

«Իմ տեսանկյունից ամենակարեւոր հարցը 1416 բանաձեւի կատարման ժամանակավոր հանձնաժողովի գործունեությունն էր, սակայն այս նստաշրջանի ընթացքում այն նիստ չի ունեցել»,- այսօր լրագրողների հետ հանդիպման ժամանակ ասաց ԵԽԽՎ-ում հայաստանյան պատվիրակության ղեկավար Դավիթ Հարությունյանը:

Նա անձամբ հանդիպել է հանձնաժողովի նախագահ Ջորդի Կ.Կոստայի հետ եւ ներկայացրել հայկական կողմի դիրքորոշումը, որն անփոփոխ է. «Մեր դիրքորոշումը ներկայացրել եմ ավելի մանրամասն, եւ դրանով մեր քննարկումներն ավարտվել են: Դրա հետ կապվածոր գործողություն  չի եղել»:

ԵԽԽՎ մոնիտորինգի հանձնաժողովում քննարկվել է Հայաստանի հարցը: «Դրանք գաղտնապահական են, դրա համար չեմ ցանկանում մանրամասներ հրապարակել»,- ասաց Դավիթ Հարությունյանը` միայն նշելով, որ  համազեկուցողների մոտեցումները գրեթե նույնն են եղել, ինչ ասված է նրանց հայտարարության մեջ: