Կհրատարակվեն Լենոնի նամակները

Աշխարհահռչակ երգիչ Ջոն Լենոնի կինը՝ Յոկո Օնոն, համաձայնություն է տվել հրատարակել ամուսնու նամակները. տեղեկացնում է Reuters-ը:

Գիրքը կվերնագրվի «Լենոնի նամակները» եւ լույս կտեսնի 2012թ. հոկտեմբերին: Այն ներառելու է հարյուրավոր նամակներ եւ բացիկներ, որ «Բիթլզի» երգիչը գրել է իր ընկերներին, հարազատներին, թերթերի եւ կազմակերպությունների:

Ըստ գրքի խմբագրի`նամակները կդասավորվեն ժամանակագրական կարգով, որպեսզի երգչի կյանքի ուղին ավելի պարզ լինի: «Առաջին անգամ է, որ Յոկո Օնոն թույլատրել է հրատարակել ամուսնու նամակների ընտրանին: Սա միջազգային հրատարակության պատմության մեջ մեծ իրադարձություն է»,- ասել է խմբագիրը: