Պահանջում են կիրառել շարիաթի օրենքները

Ավելի քան 100 մարդ է վիրավորվել Բանգլադեշում իսլամականների կազմակերպած համընդհանուր գործադուլի ընթացքում:

Դրա մասնակիցները պահանջել են կառավարությունից երկրում մտցնել շարիաթի օրենքները եւ կանանց զրկել տղամարդկանց հավասար սոցիալական ու տնտեսական իրավունքներ ունենալուց:

Գործադուլավորները խափանել են երկրի մայրաքաղաք Դակկիի եւ քաղաքը ծովային Չիտագոնգ նավահանգստի հետ կապող կարեւորագույն մայրուղու երթեեւեկությունը:

Իշխանությունները մայրաքաղաքում կենտրոնացրել են ոստիկանության եւ անվտանգության լրացուցիչ ուժեր: Ցուցարարների ցրման համար կիրառվել են արցունքաբեր գազ եւ ռետինե գնդակներ:

Բախման պատճառը եղել է Չիտագոնգ ուխտի գնացող հավատացյալների ավտոբուսի վրա ցուցարարների հարձակումը: Ակցիայի տասնյակ մասնակիցներ ձերբակալվել են: