Փոխհատուցում` Դալմայի այգիների համար

Երևանի քաղաքապետ Կարեն Կարապետյանն այսօր հանդիպել է Դալմայի այգիների նախկին հողօգտագործողների հետ, լսել նրանց հուզող հարցերը, որոնք վերաբերում են 2004-2006 թթ. ընթացքում օտարման արդյունքում հողատարածքները ձեռք բերած կառուցապատողների կողմից հատկացվող փոխհատուցումներին:

151 նախկին հողօգտագործողներից միայն 48-ին փոխհատուցում չի հատկացվելու. տեղեկացնում է Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը:

Խնդրին լուծում տալու նպատակով քաղաքապետի հանձնարարությամբ ստեղծվել է համապատասխան աշխատանքային խումբ, որը պարբերաբար հանդիպումներ կանցկացնի կողմերի հետ և հսկողություն կիրականացնի` գործընթացի հետ կապված: Բացի այդ` պայմանավորվածություն է ձեռք բերվել կառուցապատողների հետ սեղմ ժամկետներում փոխհատուցումները ապահովելու վերաբերյալ: