Հերքում ռուսներից

Վերջերս մամուլում տեղեկություններ էին պտտվում այն մասին, որ իբր 100 ռուս երկրպագուներ տոմսերով չեն կարողացել մտնել մարզադաշտ: Տեսնելով սահմանված խստությունը, երբ անգամ լրագրողներիս էին ստուգում հատուկ սարքով, դժվար էր հավատալը:

Զանգահարեցինք Մոսկվա` ռուս երկրպագուներից մեկին, ով ներկա էր խաղին և ընկերացել էր «Երկրի» թղթակցի հետ: Փորձեցինք նրա կարծիքն իմանալ ստեղծված իրավիճակի մասին:

- Սերգե'յ, ի՞նչ ես կարծում, հնարավո՞ր է, որ մարդիկ տոմսերով չկարողային ներս մտնել:

- Մեզ հատկացված տրիբունան լեփ-լեցուն էր, և եթե այդքան մարդ դուրսն է մնացել, ապա որտե՞ղ պետք է տեղավորվեին ներս մտնելու դեպքում: Ինձ թվում է, որ դրանք մամուլի տարածած կեղծ լուրերն են:

Հիշեցնենք, որ ասեկոսեներ կային, որ ռուսները ցանկացել են 300 ԱՄՆ դոլարով տոմսեր ձեռք բերել հայ մարզասերներից: Հետևաբար, նրանք տոմսեր չեն ունեցել: