Լիբիայում իրադրությունը սրվել է

Լիբիական Բենգազի քաղաքից 60 կմ հեռավորության վրա գտնվող Ջարջուրա բնակավայրոմ այս գիշեր նավերից ծովային դեսանտ են իջեցրել Քադաֆիին հավատարիմ կառավարական զորքերը, որոնք արագորեն շարժվում են դեպի քաղաքի ուղղությամբ:

Ինչպես տեղեկացնում է «Ալ Ջազիրան», արդեն դաժան մարտեր են ընթանում քաղաքի մոտակայքում: Բջջային կապը չի գործում: Ժողովրդին ուղղված «ի զեն» կոչերը հնչում են Բենգազիի բոլոր մզկիթներից ու ռադիոկայաններից:

Կառավարական զորքերի հարձակումները հաջողությամբ հետ են մղում Տրիպոլիից 208 կմ հեռու գտնվող Միսուրատի բնակիչները, սակայն պայքարը գնալով թեժանում է: Հարձակվողները ` որպես կենդանի վահան, օգտագործում են պատանդ վերցված խաղաղ բնակչությանը, այդ թվում` կանանց եւ երեխաներին: