Ի՞նչ են ուզում կանայք

«Ի՞նչ է ուզում կինը» հարցը հուզում է ոչ միայն կանանց, այլեւ տղամարդկանց. այսօր լրագրողների հետ հանդիպման ժամանակ կարծիք հայտնեց ԱԺ ՀՅԴ խմբակցության պատգամավոր Ռուզան Առաքելյանը:

Ըստ նրա` կանայք այսօր ունեն 2 խնդիր` սոցիալական եւ զբաղվածության, ընդ որում` զբավածություն ասվածը միայն աշխատանք ունենալը չէ, այլ նաեւ հասարակության մեջ դրսեւորվելը:

«Պետք է ստեղծել երկիր, որտեղ հայ կինը արժանապատիվ կապրի»,- ելքը գտավ Ռուզան Առաքելյանը:

Իսկ «Ժառանգություն» կուսակցության պատգամավոր Լարիսա Ալավերդյանի կարծիքով` յուրաքանչյուր կին ցանկանում է լինել գեղեցիկ եւ սիրված:

«Օրենքներով առաջնորդվող երկիր եմ ուզում: Հայաստանում օրենքները գալիս դեմ են առնում այն հնարավորությունների դաշտին, որտեղ տղամարդիկ ճնշող դեր են կատարում: Երկիր ունեմ` աշխարհը չունի, բայց պետություն ունեմ, որից ամաչում եմ»,- ասաց նա: