Դատապարտյալն ինքնասպան է եղել

Մարտի 8-ին` ժամը 00:15-ի սահմաններում, ՀՀ արդարադատության նախարարության «Կոշ» քրեակատարողական հիմնարկի հերթապահ խումբը շրջագայության ժամանակ հիմնարկի ամառային տաղավարներից մեկում հայտնաբերել է դատապարտյալ, 1991թ. ծնված Նարեկ Սարիբեկյանի դին` կախված վիճակում:

Ն.Սարիբեկյանը Շիրակի մարզի ընդհանուր իրավասության դատարանի կողմից դատապարտվել է ազատազրկման` ՀՀ քր.օր.-ի 176-րդ հոդվածի 2-րդ մասով, 177-րդ հոդվածի 2-րդ մասի 2-րդ 3-րդ և 4-րդ կետերով` 5 տարի ժամկետով: Պատիժը կրում էր 2010 թ. հունվարի 13-ից:

Դատավճռի համաձայն` «Ն.Սարիբեկյանը տառապում է հոգեկան հիստերիկ խանգարում հիվանդությամբ»:

Դեպքի առթիվ հարուցվել է քրեական գործ, կատարվում է նախաքննություն: