Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Շիրակի մարզի Մարալիկ քաղաքում, բնակիչների պնդմամբ, վերջին օրերին հաճախ են նկատվում խմբով կամ առանձին շրջող գայլեր: Հյուրերը, ըստ մարալիկցիների, բավականին ագրեսիվ են տրամադրված մարդկանց ու կենդանիների նկատմամբ: Հավանաբար, գայլերի` Մարալիկ հաճախակի այցելության պատճառն այն է, որ անցած ամիս տեղացած առատ ձյունը ծածկել է շրջակա սարերը, եւ գիշատիչները, չկարողանալով սնունդ հայթայթե,լ հույսը դրել են քաղաքի վրա:
Այսօր մարալիկցիները «Ցայգ» հեռուստաընկերության լրագրողին պատմել են, որ մի քանի օր առաջ հինգ-վեց գայլ Մարալիկում հոշոտել են մի շան, իսկ առանձին թափառող մի գայլի էլ նկատել են քաղաքի տարբեր թաղամասերում` տների մոտ ու շենքերի շքամուտքերում: Ըստ մարալիկցիների` այդ վերջինը, լինելով հիվանդ ու ծեր, եղել է ամենասովածը, ամենակատաղածն ու վտանգավորը:
Բարեբախտաբար գայլը չի հասցրել մարդկանց վնաս պատճառել, իսկ մարալիկցի որսորդ Վաղարշակ Սահակյանին հաջողվել է իրենց քաղաքում թափառող այդ գիշատիչին սպանել. տեղեկացնում է shirakcenter.org կայքը: