Ֆեյսբուքի ընկերները կնոջը չեն փրկել ինքնասպանությունից

Անգլիացի 42-ամյա Սայմոն Բեքը սոցիալական ցանցում դեկտեմբերի 25-ի երեկոյան10.53 րոպեին հաղորդագրություն է թողել. «Մեռնելու համար խմեցի բոլոր հաբերը: Հաջողություն բոլորին»:

Ֆեյսբուքի ընկերներից ոմանք մեկնաբանություններ են թողել նրա հաղորդագրության տակ, որում կնոջը անվանել են սուտասան, իսկ մեկն էլ գրել է, թե ինքնասպան լինելը նրա ընտրությունն է:

Տասնյոթ ժամ անց ոստիկանությունը ջարդել է տան դուռը եւ նրան մահացած գտել: Դեռեւս պարզ չէ, թե որ ժամին է կինը մահացել:

Բեքի մայրը` Ջենիֆեր Լանգրիջը, ում ինչ-որ մեկը հաջորդ օրն ի վերջո տեղեկացրել էր իր դստեր օնլայն ինքնասպանության մասին, զանգահարել է 999:

«Ես չէի կարող աստիճաններով բարձրանալ Սայմոնի բնակարան, դրա համար էլ զանգահարեցի ոստիկանություն: Սարսափելի է մտածելը, որ ոչ ոք ոչինչ չի արել իմ դստեր համար»,- ասել է Ջենիֆեր Լանգրիջը:

Ֆեյսբուքի 1048 ընկերներից ոչ մեկը հետ չի պահել կնոջը ինքնասպանություն գործելուց:

Ոստիկանությունը դեպքը կասկածելի չի համարվել, հարուցված քրեական գործը կարճվել է:

Այս մասին գրում է «Թելեգրաֆը»: