Ստեփանակերտը պատրաստվում է Ամանորին

Ստեփանակերտի Վերածննդի հրապարակում արդեն տեղադրել են Արցախի ամենամեծ տոնածառը: Այժմ Արցախի մայրաքաղաքի քաղաքապետարանի աշխատակիցները տոնածառի, ինչպես նաեւ փողոցների զարդարման աշխատանքներով են զբաղված:

Թե որքան գումար է ծախսվելու մայրաքաղաքի ամանորյա զարդարման համար` Ստեփանակերտի փոխքաղաքապետ Արմեն Հակոբյանը չկարողացավ ասել, տեղեկացնելով, որ այդ աշխատանքները իրականացվում են ոչ միայն պետբյուջեի, այլ նաեւ բարերարների միջոցներով, ուստի ծախսված գումարների չափը պարզ կդառնա աշխատանքներն ավարտելուց հետո:

Ստեփանակերտի այս տարվա գլխավոր տոնածառը նոր չէ, Երկիրի թղթակցին տեղեկացրել է փոխքաղաքապետը: Անցյալ տարվա տոնածառը, որն ի դեպ վառվել էր, հաջողվել է վերանորոգել եւ նորից տեղադրել: