Ջոլին օրենսդրական առաջարկ ունի

Հոլիվուդյան աստղ Անջելինա Ջոլին ցանկանում է, որ աստղերին և նրանց ընտանիքներին պապարացիներից պաշտպանող օրենք լինի:

Անջելինան իր ամուսնու հետ վեց երեխա ունի, և հանրահայտ ընտանիքը հաճախ է պապարացիների համար «թիրախ» դառնում: Ջոլին ասել է, որ որոշ լուսանկարիչներ վախեցնում են երեխաներին, քանի որ շատ մոտ են գալիս, և չնայած ինքը չի ցանկանում խանգարել լուսանկարիչներին իրենց աշխատանքն անել, նա երազում է մի օրենքի մասին, որը կստիպեր նրանց հեռավորություն պահել իրենցից և երկար օբյեկտիվներ օգտագործել:

«Ես կարծում եմ և հուսով եմ, որ մի օր օրենքներ կլինեն այն մասին, թե նրանք երեխաներին որքան մոտ կարող են տեսախցիկներով գալ: Որովհետև իմ կարծիքով մի օր հաստատ ավելի պարզ կլինի, որ դա զգացմույնքայնորեն առողջ չէ: Իսկ երկար օբյեկտիվներով դրա կարիքը չկա»,- ասել է Ջոլին: