Իսրայելցի կանանց սուտը «բռնել» են՝ Facebook-ի օգնությամբ

Իսրայելի զինված ուժերը Facebook-ի օգնությամբ մոտ 1.000 իսրայելացի կանանց է հայտնաբերել, ովքեր կրոնավոր ձևանալով խուսափել են զինվորական ծառայությունից:

Իսրայելում զինվորական ծառայությունը պարտադիր է նաև 18 տարին լրացած իգական սեռի ներկայացուցիչների համար: Շատերը փորձում են խուսափել ծառայությունից՝ պատճառաբանելով, որ միայն կրոնական (կոշեր) սնունդ են ուտում և շաբբաթին չեն աշխատում:

Կանանցից մեկի սուտը «բռնել» են, երբ վերջինս նկարներ է գցել Facebook, որտեղ ճաշում է ոչ կոշեր ռեստորանում, իսկ ուրիշներին բաց հագուստներ հագած են տեսել: Զինված ուժերը նույնիսկ կեղծ «փարթիների» հրավերներ են ուղարկել «կասկածյալներին» և բռնել հրավերն ընդունածներին: