Քննարկեցինք հայ-մեքսիկական հարաբերությունների զարգացման հեռանկարները. Մեսրոպ Մանուկյան

«Կայացավ ԱԺ Հայաստան–Մեքսիկա բարեկամական խմբի հանդիպումը Հայաստանում Մեքսիկայի արտակարգ և լիազոր դեսպան Էդուարդո Վիյեգաս Մեխիասի հետ»,- այս մասին գրել  է «Հայաստան» խմբակցության պատգամավոր Մեսրոպ Մանուկյանը: 

«Կայացավ ԱԺ Հայաստան-Մեքսիկա բարեկամական խմբի հանդիպումը Հայաստանում Մեքսիկայի արտակարգ և լիազոր դեսպան Էդուարդո Վիյեգաս Մեխիասի հետ։

Որպես բարեկամական խմբի ղեկավար՝ խմբի անդամների հետ քննարկեցինք հայ-մեքսիկական հարաբերությունների զարգացման հեռանկարները, միջխորհրդարանական կապերի ամրապնդման և բարեկամական խմբերի համագործակցության ակտիվացման հնարավորությունները։

Քննարկեցինք նաև առևտրատնտեսական կապերի ընդլայնման, ինչպես նաև կրթության, մշակույթի ու զբոսաշրջության ոլորտներում համագործակցության հնարավորությունները։

Անդրադարձ կատարեցի Արցախում հայկական պատմամշակութային կոթողների նկատմամբ իրականացվող վանդալիզմին և մեր մշակութային ժառանգության պահպանության խնդրին։ Կարևորեցի այս հարցը միջազգային բոլոր համապատասխան ատյաններում բարձրաձայնելու և ժառանգության ոչնչացումն ու աղավաղումը կանխելու ուղղությամբ քայլեր ձեռնարկելու անհրաժեշտությունը։

Կարևորեցի Մեքսիկայի Սենատի կողմից 2023 թվականի փետրվարի 8-ին Հայոց ցեղասպանության ճանաչման և դատապարտման մասին փաստաթղթի ընդունումը՝ ընդգծելով դրա նշանակությունը պատմական արդարության վերականգնման և նման հանցագործությունների կանխարգելման գործում։

Որպես բարեկամական խմբի ղեկավար՝ կարևորում եմ մեքսիկացի գործընկերների հետ շարունակական աշխատանքը՝ թե՛ երկկողմ համագործակցության զարգացման, թե՛ մեզ համար կարևոր հարցերը միջազգային հարթակներում ներկայացնելու ուղղությամբ»։