Լևոն Հոխիկյանի վրա հարձակված ՔՊ-ականներին մեղադրանք է առաջադրվել

Yerkir.am-ին հասած տեղեկություններով՝ «Ուժեղ Հայաստան» դաշինքի վստահված անձ Լևոն Հոխիկյանի վրա հարձակում կատարած ՔՊ-ականներին՝ Գեղարքունիքի Լիճք գյուղի վարչական ղեկավար Սիրական Սիրականյանին և Մարտունու հիվանդանոցի վիրաբույժ Սիրակ Սիրականյանին մեղադրանք է առաջադրվել խուլիգանության և ընտրական գործընթացներին խանգարելու հոդվածներով։

Լուսանկարում պատկերված այս կարկառուն ՔՊ-ականները հունիսի 7-ին կայացած համապետական ընտրությունների ժամանակ հարձակվել են և բռնություն գործադրել «Ուժեղ Հայաստան» դաշինքի կողմից վստահված անձ Լևոն Հոխիկյանի վրա։

Հիշեցնենք, որ Լիճք գյուղի բնակիչ, հարձակման ենթարկված Լևոն Հոխիկյանը հայտնի հասարակական գործիչ Նաիրի Հոխիկյանի հարազատ եղբայրն է։