Երևանում 27-ամյա վարորդը «Tesla»-ով բախվել է բետոնե բաժանարար արգելապատնեշին․ կա վիրավոր

Երեկ՝ մայիսի 23-ին, ավտովթար է տեղի ունեցել Երևանում։ Ժամը 19։00-ի սահմաններում Երևանի բնակիչ 27-ամյա Արտակ Հ․-ն իր վարած «Tesla» մակնիշի ավտոմեքենայով Իսակովի պողոտայում՝ ՀՀ Ներքին գործերի նախարարության Ոստիկանության կրթահամալիրի հարևանությամբ, բախվել է բաժանարար գոտու բետոնե պատնեշին։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղափոխվել է հիվանդանոց։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդի, ինչպես նաև վթարի հետևանքով բաժանարար գոտու բետոնե պատնեշի վնասվելու արդյունքում այդ պահին նշված վայրով անցնող, վնասված Արմավիրի մարզի բնակիչ 24-ամյա Մայքլ Ա․-ին պատկանող «Avatar» մեքենայի վարորդի ինքնությունը։