Ռուբեն Թոփչյանը հաստատել է ագրարային համալսարանի հավատարմագրված չլինելու փաստը

Yerkir.am-ը տեղեկացրել էր, որ Հայաստանի ազգային ագրարային համալսարանը շուրջ 1 տարի գործում է առանց պետական հավատարմագրման: 

Որակի ապահովման ազգային կենտրոնը Հայաստանի ազգային ագրարային համալսարանին 2021թ. մարտի 15-ին շնորհել է ինստիտուցիոնալ հավատարմագրում 4 տարի ժամկետով և հաջորդ ինստիտուցիոնալ հավատարմագրման համար դիմելու վերջնաժամկետ է սահմանվել 21.05.2024թ.:

Yerkir.am-ը դիմել է ՈԱԱԿ-ի տնօրեն Ռուբեն Թոփչյանին խնդրի պատճառները հասկանալու նպատակով: 
Ռուբեն Թոփչյանը, պատասխանելով մեր հարցադրմանը, նշել է, որ ագրարային համալսարանը հավատարմագրում անցնելու նպատակով ՈԱԱԿ-ին դիմել է 2025թ. հունիսի 12-ին: 

Ստացվում է, որ ագրարային համալսարանը հավատարմագրման դիմել է ժամկետի խախտումով՝ 1 տարի 3 ամիս ուշացումով: Ավելին՝ արդեն 10 ամիս չի հավատարմագրվել: 

Դիմումն ուշ ներկայացնելու և չհավատարմագրելու պատճառներին անդրադառնալով, Ռուբեն Թոփչյանը նշել է, որ իրավասու չէ համալսարանի անունից պատասխանել ուշացման վերաբերյալ հարցերին:

Այսպիսով, Yerkir.am-ն արձնագրում է, որ շուրջ հարյուրամյա բուհը ԿԳՄՍ նախարար Ժաննա Անդրեասյանի և ռեկտոր Հրաչյա Զաքոյանի աննախադեպ կառավարման արդյունքում տևական ժամանակ գործում է առանց պետական հավատարմագրման: 

Թերևս, մինչև 2030 թ. այս տեմպերով ու որակով ագրարայինը տեղ կզբաղեցնի աշխարհի 100 առաջատար բուհերի ցանկում: