Կաթողիկոսի եղբորը` Գևորգ Ներսիսյանին կկալանավորեն 1 ամսով․ փաստաբան

Կաթողիկոսի եղբորը` Գևորգ Ներսիսյանին կկալանավորեն 1 ամսով, @ArmeniaSputnik–ին հայտնել է փաստաբան Արա Զոհրաբյանը։

«Դատավոր Արման Բաբախանյանը որոշել է կալանավորել մեկ ամիս ժամկետով: Քիչ հետո կքննվի Համբարձում Ներսիսյանի կալանավորման միջնորդությունը»,–ասել է նա:

Հիշեցնենք, որ Վեհափառի եղբայրը՝ Գևորգ Ներսիսյանը և որդին՝ Համբարձում Ներսիսյանը, ձերբակալվել են երեկ՝ Վաղարշապատում «Հանրապետություն» կուսակցության թեկնածու Հարություն Մկրտչյանի հայտարարության հիման վրա, թե իբրև Ներսիսյանը և որդին փորձել են խոչընդոտել նախընտրական քարոզչությունը, ինչը փաստաբան Արա Զոհրաբյանի դիտարկմամբ՝սուտ մատնություն է։