Ավտոբուսում տեղադրված տեսախցիկների համար որքա՞ն գումար է ծախսվել, և ինչո՞ւ չեն արձանագրում չվճարող ուղևորների քանակը․ Կյուրեղյան

ՀՀ ԱԺ ութերորդ գումարման իններորդ նստաշրջանի արտահերթ նիստում «Հայաստան» խմբակցության պատգամավոր Արմենուհի Կյուրեղյանը բարձրացրեց հանրային տրանսպորտի նոր տուգանքային մեխանիզմի հիմնավորման և արդյունավետության հարցերը։

«Ի՞նչ վերլուծություն եք արել՝ քանի ուղևոր է օրական տեղափոխվում, քանիսը չեն վճարում, և արդյոք վերահսկողության համար նախատեսված միջոցներն արդարացվա՞ծ են», - ընդգծեց Կյուրեղյանը։

Նա նաև քննադատեց, որ համակարգը վստահվել է Telcel ընկերությանը, որը ինչպես 2021-ին, այնպես էլ 2023-ին միակ մասնակիցն էր մրցույթում․

«Դուք ամբողջ համակարգը փոխանցել եք մի կազմակերպության, որը միակ մասնակիցն է եղել երկու մրցույթում՝ անգամ պայմանագրի լուծարումից հետո։ Սա ձեզ մոտ հարցեր չի առաջացնո՞ւմ»։

Կյուրեղյանը անդրադարձավ նաև տեսախցիկների արդյունավետությանը, Telcel-ի պատասխանատվության մեխանիզմներին և տվյալների թափանցիկությանը՝ պահանջելով պարզաբանումներ։

Մանրամասն՝ տեսանյութում։