Թրամփը ցանկանում է անօրինական ներգաղթյալների «ինքնաարտաքսման» ծրագիր գործարկել

ԱՄՆ նախագահ Դոնալդ Թրամփը հայտարարել է, որ մտադիր է  երկրում անօրինական ապրող ներգաղթյալներին գումար առաջարկելու նոր ծրագիր գործարկել, որպեսզի նրանք կարողանան կամավոր լկքել Միացյալ Նահանգները: Ըստ Թրամփի՝ «ինքնաարտաքսման» ծրագիրն ապագայում օրինական հիմքերով վերստին երկիր մուտք գործելու հեռանկար է նախատեսում, հաղորդում է BBC-ն։

«Մենք նրանց թոշակ կտրամադրենք,-ասել է Թրամփը Fox Noticias-ի (Fox News հեռուստաալիքի իսպանալեզու տարբերակի) հաղորդավարին տված հարցազրույցում:

«Մենք փող ու ինքնաթիռի տոմս կտանք, հետո կաշխատենք նրանց հետ։ Եթե ​​նրանք իրենց լավ դրսևորեն, և եթե ցանկանանք, որ նրանք վերադառնան, կաշխատենք, որպեսզի հնարավորինս շուտ նրանց վերադարձնենք»,- Reuters-ին ասել է Սպիտակ տան խոսնակը, նշելով, որ  Թրամփի մեկնաբանություններին ավելացնելու բան չունի: