Ֆրանսիան փակում է ներգաղթյալների ֆինանսական օգնության ծրագիրը

Ֆրանսիան փակում է ներգաղթյալների ֆինանսական օգնության ծրագիրը, այդ թվում` ռումինացի գնչուների, որոնց աջակցել պահանջում էր Եվրամիությունը: Այդ մասին այսօր հայտարարել է երկրի ներքին գործերի նախարար Մանուել Վալսը. տեղեկացնում է Вести-ն:

2013 թվականի մարտի 1-ից ներգաղթյալներին վճարվող նպաստները կրճատվելու են 83 տոկոսով, ինչը հնարավորություն կտա զգալի միջոցներ տնտեսել պետական բյուջեի համար:

Առաջին հերթին` կկրճատվեն այն գումարները, որոնք Ֆրանսիան ծախսում է ներգաղթյալներին իրենց երկրներ հետ ուղարկելու համար:  Ներկայումս Ֆրանսիան յուրաքանչյուր մեծահասակ ներգաղթյալին վճարում է 300 եվրո, իսկ անչափահասին` 100 եվրո, եթե նրանք կամավոր համաձայնում են տուն վերադառնալ: Այդ գումարները կրճատվելու են 50 եւ 30 եվրո` համապատասխանաբար: Ընդ որում` սա վերաբերում է միայն ԵՄ անդամ երկրներից ժամանած միգրանտներին, այլ երկրների ներկայացուցիչներին արտաքսում են:

Կառավարությունը նվազեցնում է նաեւ ԵՄ երկրներից ներգաղթյալ-գործազուրկների նպաստները` մեծահասակին 500, երեխային` 200 եվրո` 2000 եւ 1000 եվրոյի փոխարեն: