Իմամօղլուն կոչ է արել Թուրքիայի իշխանություններին իր դատավարությունն անցկացնել ուղիղ եթերում

Ստամբուլի ձերբակալված քաղաքապետ Էքրեմ Իմամօղլուի դատավարությունը ուղիղ հեռարձակվելու է թուրքական պետական ​​TRT հեռուստաալիքով։ Այս մասին հայտարարել է Թուրքիայի գլխավոր ընդդիմադիր Ժողովրդահանրապետական ​​կուսակցության (CHP) առաջնորդ Օզգյուր Օզելը Ստամբուլում Իմամօղլուի աջակցության ցույցի ժամանակ, փոխանցում է ТАСС-ը։

«Այսօր մենք անցկացնում ենք պատմության մեջ ամենամեծ բողոքի ցույցը, այսօր այստեղ պատմություն է գրվում, այստեղ հավաքվածները պաշտպանում են Թուրքիայի ապագան։ Ես Իմամօղլուից պատմական մարտահրավեր եմ հանձնում Էրդողանին։ Քաղաքապետ Էքրեմ Իմամօղլուն ասում է, որ ինքը մեղավոր չէ»։ «Եթե վստահում եք ինքներդ ձեզ, ես առաջարկում եմ դատավարությունն անցկացնել TRT-ի ուղիղ եթերում»,- ձերբակալված քաղաքապետի խոսքերը մեջբերել է Օզելը։

Հանրահավաքում արհեստական ​​ինտելեկտի կիրառմամբ հավաքվածներին ընթերցվել է Իմամօղլուի նամակը։ «Ես երբեք չեմ կատարել այն հանցագործությունները, որոնք ինձ վերագրվում են, հպարտ եմ իմ արածով որպես քաղաքապետ: Իմ սիրտն ու հոգին քեզ հետ են: Ինչ էլ որ լինի, ես մեկ քայլ չեմ նահանջի ժողովրդին արժանի ավելի լավ օրերի համար պայքարից: Ես կպահեմ խոստումս, կկատարեմ իմ կյանքի գնով ժողովրդի կողմից ինձ վստահված առաքելությունը»:

Հիշեցնենք՝ Էքրեմ Իմամօղլուի կալանավորումից հետո Ստամբուլում և Թուրքիայի այլ քաղաքներում բողոքի լայնածավալ ցույցեր են սկսվել։ Ոստիկանությունը ջրցան մեքենաներ և գազ է կիրառել ցուցարարների դեմ, իշխանությունները փակել են ճանապարհները: Առաջատար հեռուստաալիքները դադարեցրել են հանրահավաքների ուղիղ հեռարձակումը։ Երկրի ներքին գործերի նախարար Ալի Երլիկայան հայտնել է, որ մարտի 24-ին ձերբակալված ցուցարարների թիվը գերազանցել է 1,000-ը։