Դատավարությունն անվերջ է թվում

Լոռու մարզի ընդհանուր իրավասության դատարանում արդեն որերորդ անգամ հետաձգվում է Վանաձորի «Սզնի» դեղատան` թիվ 1 հիվանդանոցային համալիրի դեմ հայցով դատավարությունը:

Դեղատան տնօրեն Գառնիկ Սահակյանը  հիվանդանոցի տնօրեն Մհեր Մարգարյանից պահանջում է կատարել մրցույթով սահմանված պարտավորությունները: Վճռի ընթերցումն ամենատարբեր պատճառներով մի քանի անգամ հետաձգվել է, գործի քննությունը` վերսկսվել: Այժմ էլ գործում ներգրավվել է Լոռու մարզպետարանը՝ որպես երրորդ կողմ, սակայն ո'չ մարզպետարանի ներկայացուցիչը, ո'չ պատասխանող կողմը չէին ներկայացել:

Եվ քանի որ գործն արդեն ամբողջությամբ քննված է, դատավորը որոշում կայացրեց քննությունն ավարտված համարել եւ հուլիսի 18-ին հրապարակել հավերժ թվացող դատավարության վճիռը: