Տիկին Ժաննան չի կարողանում կազմակերպել քիմիայի քննությունը, սակայն կառուցում է ակադեմիական քաղաք

Հունվարի 25-ին մեկնարկել են 2025/2026 ուստարվա բուհերի ընդունելության առաջին փուլի միասնական քննությունները։ Հունվարի 26-ին դիմորդները քննություն են հանձնել «Քիմիա» առարկայից։

ԳԹԿ-ն քննությունից ժամեր անց ներկայացրել է թեստերն ու ճիշտ պատասխանները։

ԳԹԿ էջում «Քիմիա» առարկայի թեստերն ու ճիշտ պատասխանները ներկայացնելուց հետո շատ օգտատերեր գրառումներ են արել՝ նշելով, որ սխալներ կան թեստերում, պատասխաններում։

Panorama.am-ի հետ զրույցում ԳԹԿ մամուլի խոսնակ Խաչանուշ Գրիգորյանն ասել, որ տեխնիկական խնդրի պատճառով պատասխանները, ոչ թե թեստերը, հրապարակվել են սխալով:

Նա նաև նշել է, որ խնդիրը լուծված է. «Խնդիրը լուծվել է հօգուտ դիմորդի՝ բոլոր դիմորդներին միավոր է տրվել»։

Ամեն դեպքում` դիմորդների բախտը բերել է, որ թեստերը հարյուր տոկոս սխալ չեն եղել, այլապես քիմիայի քննություն հանձնող բոլոր դիմորդները կարժանանային 20 միավորի։