Ռուսական ՀՕՊ-ն ուկրաինական ՄիԳ-29 կործանիչ ու 123 ԱԹՍ է խոցել. ՊՆ

ՌԴ հակաօդային պաշտպանության համակարգերը ուկրաինական ՄիԳ-29 ինքնաթիռ, JDAM (Joint Direct Attack Munition) կառավարվող ավիացիոն երկու ռումբ և 123 անօդաչու են խոցել։ Տեղեկությունը հայտնում է ՌԴ պաշտպանության նախարարությունը։

«ՀՕՊ համակարգերը խոցել են ուկրաինական օդուժի ՄիԳ-29 ինքնաթիռ, ֆրանսիական արտադրության հինգ կառավարվող Hammer ավիառումբ, երկու կառավարվող JDAM ավիառումբ և ԱՄՆ արտադրության HIMARS համազարկային կրակի ռեակտիվ համակարգի չորս արկ, ինչպես նաև 123 ինքնաթիռային տիպի անօդաչու»,- ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։