Ռուսական ՀՕՊ-ը երեք ժամվա ընթացքում 4 ուկրաինական ԱԹՍ է խոցել Բելգորոդի մարզում. ՌԴ ՊՆ

Ռուսական հակաօդային պաշտպանությունն այսօր առավոտյան 4 ուկրաինական ԱԹՍ է ոչնչացրել Բելգորոդի մարզում։ Այս մասին հայտնում է Ռուսաստանի պաշտպանության նախարարությունը։

«Հունվարի 2-ին՝ ժամը 08.00-ից 11.00-ն ընկած ժամանակահատվածում, ՀՕՊ հերթապահ միջոցներով Բելգորոդի մարզի տարածքում ոչնչացվել է 4 ուկրաինական ԱԹՍ», - ասված է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։