ՀՀ-ի և ԱՄՆ-ի միջև ստորագրվածը թույլ փաստաթուղթ է․ Մեհդի Սոբհանի

«ՀՀ-ի և ԱՄՆ-ի միջև ռազմավարական համագործակցության համաձայնագիրը թույլ փաստաթուղթ է և չի կարող վնասել հայ-իրանական հարաբերություններին»,-այս մասին հրավիրված ասւոլիսի ժամանակ ասաց Հայաստանում Իրանի դեսպան Մեհդի Սոբհանին՝ պատասխանելով հարցին, թե արդյո՞ք հայ-ամերիկյան մերձեցումները կարող են ազդել հայ-իրանական հարաբերությունների վրա։
 

 «Մեր և ՀՀ իշխանությունների միջև փոխադարձ ըմբռնում կա այս հարցի շուրջ, ինչն օգնում է զարգացնել երկկողմ հարաբերությունները։ ՀՀ իշխանությունները հստակեցրել են, որ փաստաթուղթը դեմ չէ հայ-իրանական հարաբերություններին և որ իրենք չեն ձեռնարկի այնպիսի քայլեր, որոնք կվնասեն հայ-իրանական հարաբերություններին»,- նշեց  իրանցի դեսպանը։
 

Դեսպանը նաև ընդգծեց՝ ինչ վերաբերում է ռուս-իրանական համապարփակ համագործակցության պայմանագրին, այն ներառում է մի կետ, որը չի բացառում որևէ երրորդ երկրի հետ այլ փաստաթղթեր ստորագրելու հնարավորությունը, բնականաբար, այն նույնպես չի կարող վնասել հայ-իրանական հարաբերություններին։