Թանկացումների ֆոնին հարկատուին ասում են՝ սիրում ենք ձեզ, բայց բարձրացնում ենք հարկերը. Դանիելյան

Կառավարության շենքի դիմաց այս պահին հերթական բողոքի ակցիան են իրականացնում շրջանառության հարկի փոփոխությունից դժգոհ տնտեսվարողները: Նրանք նշում են, որ հունվարի 1-ից ուժի մեջ մտած այս փոփոխությունը մի քանի անգամ ավելացրել է իրենց հարկային բեռը, ինչի հետեւանքով կարող են լուրջ խնդիրների առաջ կանգնել։ Մասնավորապես, շրջանառության հարկը 5 տոկոսից դարձել է 10 տոկոս: Նրանց է միացել ՀՀ ԱԺ «Հայաստան» խմբակցության պատգամավոր Գառնիկ Դանիելյանը: 

«Մի կետի ենք հանգելու, որտեղ հազարավոր մարդիկ ուղղակի չեն կարողանալու իրենց բիզնեսն առաջ տանել ու ստիպված փակելու են»,– ընդգծեց նա: 

«Համատարած թանկացումների ֆոնին հարկատուին ասում են՝ սիրում ենք ձեզ, բայց կրկնակի բարձրացնում ենք հարկերը»,– հավելեց պատգամավորը:

Մանրամասները՝ տեսանյութում