«Խաղաղության խաչմերուկի» վերածված հրապարակը. արձագանք՝ ադրբեջանցիների երգին․ Տարոն Ղազարյան

ՀՅԴ «Նիկոլ Աղբալյան» ուսանողական միության վարչության ներկայացուցիչ Տարոն Ղազարյանը գրում է․

«Հանրապետության Հրապարակում տեղի ունեցածի վերաբերյալ տեսանյութը մեկ ամսվա է, թե այսօրվա, շատ կարևոր չէ։

Էականը այն է, թե նույն պահին նույն վայրում Ղարաբաղի մասին երգերին ի՞նչ արձագանք կտային հրապարակում մշտապես հերթապահող ուժայինները հայերի կատարման դեպքում, և ադրբեջանցիների կատարման դեպքում։

Փորձը ցույց է տվել, որ երբ դա անում են հայերը, բիրտ ուժի կիրառումը չի ուշանում, իսկ տարածվող տեսանյութի դեպքում Հանրապետության Հրապարակը «խաղաղության խաչմերուկ» է հիշեցնում»։

Հիշեցնենք՝ երեկ երեկոյան սոցցանցերում տեսանյութ էր տարածվել, որտեղ Հայաստանի Հանրապետության հրապարակում մի խումբ անձինք ադրբեջաներեն երգ էին երգում են Ղարաբաղի մասին։